Gecə həyatı

Öz gecə klubunu açmaq istəyən iki barmen dost bankdan kredit ala bilməyincə başqa yollara əl atır. Lakin pul tapmaq cəhdi uğursuzluqla nəticələnir və onlar yerli cinayətkarlara böyük məbləğdə borclu qalırlar. Mafiya onlara növbəti günün günortasına qədər vaxt verir, əks halda hər ikisini ölüm gözləyir.

Vəziyyət onda mürəkkəbləşir ki, həmin axşam dostlardan birinin arzuladığı qızla çoxdan gözlənilən görüşü var. Görüşü təxirə salmaq istəməyən yoldaşlar həm qızın könlünü xoş tutmağa, həm də sabaha qədər sağ qalmaq üçün çıxış yolu tapmağa məcburdurlar.

Almaniya istehsalı olan «Gecə həyatı» (Nightlife) romantik komediyası 2020-ci ildə ekranlara çıxıb. Rejissor Simon Ferhovenin çəkdiyi layihədə baş rolları Elyas M'Barek, Nikola Kastner, Ester Kun və Nils Nadolny canlandırır.