Sirr saxlaya bilirsən?

Uğursuz keçən işgüzar görüşdən sonra pərişan olan Emma təyyarə ilə geri qayıdır. Uçuş qorxusuna görə salona minməzdən əvvəl spirtli içki qəbul edən qıza stüardessa birinci dərəcəli yerdə oturmağı təklif edir. Təyyarə silkələnməyə başlayanda təşvişə düşən Emma yanındakı naməlum sərnişinə şəxsi münasibətlərindən tutmuş ofis intriqalarına qədər bütün sirlərini açıb danışır.

Səfər başa çatdıqdan sonra qız bu utancverici söhbəti unutmağa ümid edir. Lakin növbəti gün işə gələndə məlum olur ki, təyyarədəki həmsöhbəti şirkətin təsisçisi və rəhbəridir. Beləliklə, şöbəni yoxlamağa gələn böyük müdir öz işçisinin bütün gizli həqiqətlərindən xəbərdar olur.

ABŞ istehsalı olan «Can You Keep a Secret?» filmi 2019-cu ildə işıq üzü görüb. Melodram və komediya janrında çəkilən ekran əsərinin rejissoru Eliz Dürandır, baş rolları isə Kortni Rumf, Yucin Lin, Keyt İston və Robert Kinq canlandırıb.