Böyük həyat

Həyatdan bezən Martin hər şeyə birdəfəlik son qoymaq qərarına gəlir. Lakin bu dünyadan səssiz-səmirsiz getmək istəməyən qəhrəman borca bir milyon dollar götürür və son günlərini dəbdəbə içində keçirməyi planlaşdırır. Öləcəyi üçün borcu qaytarmaq barədə heç düşünmür də.

Gözlənilməz bir tanışlıq onun bütün hesablamalarını alt-üst edir. Cazibədar meksikalı ofisiant Lola ilə rastlaşan Martin yenidən həyata bağlanır və qəfil alovlanan sevgi intihar fikrini unutdurur. Lakin indi onu daha çətin sınaq gözləyir: xərclənən pullar artıq bitib, qəzəbli kreditorlar isə borcun dərhal qaytarılmasını tələb edir.

2000-ci ildə ekranlara çıxan «Böyük həyat» (La gran vida) komediya filminin rejissoru Antonio Kuadridir. İspaniya istehsalı olan bu ekran əsərində əsas rolları Lara Korroçano, Karita Boronska, Olqa Servera və Sinta Menis canlandırıb.