Böyük addım

Dario tək-tənha yaşayan və Aya uçmaq arzusu ilə alışıb-yanan qəribə bir adamdır. Ev şəraitində hazırladığı raketi səmaya buraxmaq cəhdi yanğına səbəb olur. Hadisədən sonra o, həbsxanaya düşür və azadlığı təhlükə altına girir.

Ona kömək əlini uzada biləcək yeganə şəxs ata bir qardaşı Mariodur. Həyatlarında cəmi bircə dəfə görüşmüş bu iki insan uzun fasilədən sonra yenidən bir araya gəlir. Söhbət əsnasında qardaşlar məqsədlərinin eyni olduğunu başa düşürlər.

İtaliya istehsalı olan «Il grande passo» komediya filmini rejissor Antonio Padovan ərsəyə gətirib. 2019-cu il ekran əsərində Cuzeppe Battiston, Tito Stano, Andrea Appi və Paskal Zullino çəkiliblər.