Dünyanın qurtaracağında şou

Tanınmış televiziya aparıcısı, məşhur stendapçı, baytarlıq proqramının ulduzu və sevilən futbolçu «Ulduzlarla safari» layihəsində iştirak etmək üçün Afrikaya yola düşürlər. Çətinliklər elə ilk addımdan başlayır: məşhurlar hər şeyi özləri etməli olurlar, çəkiliş heyəti isə onların telefonlarını əllərindən alır. Qum fırtınasından keçən təyyarə reysindən sonra heyət nəhayət vəhşi təbiətin və heyvanların əhatəsində olan malavi qəbiləsinin kəndinə çatır.

Dörd iştirakçı həm öz aralarında dil tapmalı, həm də yerli sakinlərlə ünsiyyət qurmalıdırlar. Əvvəlcədən hazırlanmış ssenari tezliklə nəzarətdən çıxır və çəkiliş planı pozulur. Belə şəraitdə qalmaq istəməyən dördlük şoudan qaçaraq sivilizasiyaya öz gücləri ilə qayıtmaq qərarına gəlir.

«Dünyanın qurtaracağında şou» (Rendez-vous chez les Malawas) komediya filmini rejissor Ceyms Yut ərsəyə gətirib. Fransa və Belçika istehsalı olan bu ekran işi 2019-cu ildə buraxılıb. Baş rolları Paskal Elbe, Ramzi Bedia, Fransua Levantal və Dambuza Mdledle canlandırıb.