Hər vəchlə Paris

Parisdə dəb dünyasında uğur qazanan gənc stilist Mayya nüfuzlu moda evində daimi iş müqaviləsi bağlamağa hazırlaşır. Lakin polisin sənəd yoxlaması gözlənilməz problemlə nəticələnir. Məlum olur ki, vizasının vaxtı çoxdan bitib və qız təcili olaraq doğma ölkəsinə göndərilir.

Özünü Mərakeşdə tapan Mayya illərdir uzaq durmağa çalışdığı ailəsi və adət-ənənələri ilə üz-üzə qalır. Doğma torpağında özünü yad hiss edən qəhrəman sevimli işinə qovuşmaq məqsədilə hər addıma əl atır və yenidən Fransaya qayıtmağa çalışır.

2013-cü il istehsalı olan «Paris à tout prix» fransız komediyasının rejissoru həm də baş rolu canlandıran Rem Kericidir. Ekran işində Florans Foresti, Pom Klementyeff, Frederik Şo və Aleks Luts kimi aktyorlar yer alıb.