Pierino medico della SAUB

Nəsillikcə həkim olan bir ailədə böyüyən Alvaro Qasperoni hər vəchlə tibb dərəcəsi almağa nail olur. Təhsilini Əddis-Əbəbədə başa vuran Alvaro əlaqələrindən istifadə edərək digər namizədləri qabaqlayır. O, dövlət xəstəxanasında intern vəzifəsini əldə etməyi bacarır.

Xəstəxana heyətinə qatılan gənc həkim baş həkimin rəğbətini qazanmaq üçün rəqiblərini sıxışdırmağa başlayır. Onun cəhdləri tezliklə bəhrəsini verir, lakin gözlənilmədən xəstəxanaya sanitar müfəttişi gəlir. Müfəttiş yoxlamanı gizli aparmaq üçün özünü sadəlövh və itaətkar bir xəstə kimi qələmə verir.

İtaliya istehsalı olan «Pierino medico della SAUB» komediya filmi 1981-ci ildə ekranlara çıxıb. Ekran əsərinin rejissoru Culiano Karnimeodur. Əsas rollarda Maria Tedeski, Ennio Antonelli, Mario Feliçani və Franka Skanyetti çəkiliblər.