Tout nous sourit

Parisdə yaşayan Jerom və Odri Potye cütlüyü iyirmi ildir evlidir və üç uşaq böyüdürlər. Günlərin bir günü hər ikisi bir-birinə yalan danışaraq həftəsonunu gizli sevgililəri ilə birlikdə keçirməyi planlaşdırır. Lakin onların hər ikisi xəbərsiz şəkildə eyni məkanı — ailənin şəhərkənarı bağ evini görüş yeri seçir.

Valideynlərinin evdə olmayacağını düşünən uşaqlar da fürsətdən yararlanmaq qərarına gəlirlər. Onlar da dostları ilə həmin bağ evində səs-küylü əyləncə təşkil etməyə hazırlaşırlar. Nəticədə bütün ailə üzvləri və onların qonaqları eyni məkanda gözlənilmədən üz-üzə gəlir və istirahət günləri gözlənilməz hadisələrlə yadda qalır.

2020-ci il istehsalı olan «Tout nous sourit» komediya filmi Fransa və Belçika kinematoqrafçılarının birgə işidir. Ekran əsərinin quruluşçu rejissoru Melissa Drijardır, baş rolları isə Stefan De Qrodt, Jan-Noel Knoker, Versan Jülye və Müriel Bonne canlandırıblar.