Məcburiyyətdən qəhrəman

Vəkil bürosunun sakit və xeyirxah əməkdaşı Lui uzun müddət həmkarları tərəfindən diqqətdən kənarda qalır. Həkimlər ona ağır və sağalmaz bir diaqnoz qoyanda vəziyyət tamamilə dəyişir. Ətrafdakılar ona can yandırmağa, qayğı və mərhəmət göstərməyə başlayır. Beləliklə, gənc oğlan nəhayət özünün dəyərli olduğunu hiss edir.

Bir müddət sonra xəstəliyin səhv diaqnoz olduğu və Luinin tamamilə sağlam olduğu məlum olur. Lakin itirmək istəmədiyi bu isti münasibətə görə o, həqiqəti heç kəsə danışmır və ölümcül xəstə rolunu oynamağa davam edir.

«Je ne suis pas un héros» adlı Fransa istehsalı komediya filmi 2023-cü ildə təqdim edilib. Ekran əsərinin rejissoru Rudi Milşteyndir, rolları isə Jeraldin Nakaş, Ervan Teren, Lüsi Benamu və Rabah Nait Ufella canlandırıb.