Going the Distance

Nikin sevdiyi qız şou-biznes nümayəndəsinin yanında iş taparaq başqa şəhərə köçür. Həmin şəxsin qadınlara qarşı zəifliyini bilən qəhrəman böyük tərəddüd içində qalır. Valideynləri onun təkliyini unutdurmaq üçün fərqli yollara əl atır, dostları isə hər şeyi unudub əylənməyi məsləhət görür.

Lakin Nik münasibətlərindən imtina etmək istəmir və sevgilisinə evlilik təklifi etmək qərarına gəlir. O, macərapərəst yoldaşlarını da yanına alaraq sevdiyi qızın ardınca yola düşür. Qarşıda onları minlərlə kilometrlik yol, gözlənilməz hadisələr və gülməli vəziyyətlər gözləyir.

2004-cü ildə çəkilən «Going the Distance» komediya və melodram filmi ABŞ və Kanada istehsalıdır. Layihənin rejissoru Mark Qriffitsdir, baş rollarda isə Qebriel Mantel, Ceki Barrouz, Conatan Brüs və Ceyson Pristli çəkiliblər.