Məni yedizdir

Ced həyat yoldaşının vəfatından sonra dərin kədər içində qalır. Sonuncu söhbətləri zamanı qadına dediyi acı sözlər ona rahatlıq vermir və vicdan əzabı çəkməsinə səbəb olur. Dəfndən sonra dərdi unutmaq üçün birbaşa bara yollanan qəhrəman içkiyə sığınmaq qərarına gəlir.

Məkanda o, Lionel adlı qəribə bir amerikalı ilə tanış olur. Həyatına son qoymaq istəyən dul kişiyə bu yad adam ağlasığmaz bir təklif irəli sürür: bu addımı cəmiyyət üçün faydalı şəkildə atmaq. Müqaviləyə qol çəkən Ced tezliklə amansız bir adamyeyənin tələsinə düşdüyünü anlayır.

«Feed Me» adlı Britaniya istehsalı olan qorxu və komediya filmi 2022-ci ildə ekranlara çıxıb. Ekran əsərinin quruluşçu rejissorları Riçard Oaks və Adam Liderdir, əsas rolları isə Nil Uord, Simba Masaku, Hanna Al Raşid və Kreyq Hinde canlandırıblar.