Yalandan nişanlım ol

Televiziya prodüseri Karina həyatındakı hər şeyin qaydasında getdiyini düşünür. Sevgilisi olan rejissordan evlilik təklifi gözləyir, bacısının toyuna isə böyük hazırlıq görülür. Lakin gözlənilmədən sevgilisinin yalanı üzə çıxır, onunla eyni məkanda çalışmaq dözülməz hala gəlir.

Vəziyyəti çətinləşdirən digər məqam isə anasına verdiyi sözdür: o, bacısının məclisinə öz nişanlısı ilə gəlməlidir. Çıxılmaz durumda maşına əyləşən Karina yolda Şimon adlı bir bəylə toqquşur. Bu qəza ailə qarşısında yaranan çətin vəziyyətdən qurtulmaq üçün gözlənilməz bir fürsətə çevrilir.

«Yalandan nişanlım ol» (Narzeczony na niby) filmi 2018-ci ildə Polşada istehsal olunub. Rejissoru Bartoş Prokopoviç olan bu melodramatik komediyanın əsas rollarında Katajina Koleçek, Mikolay Roznerski, Ada Fiyal və Sebastian Karpel-Buletska çəkiliblər.