Milana səyahət

Filologiya fakültəsinin gənc məzunu Emiliano yaşlı yazıçı Vittorio Vetssosi ilə birlikdə yola çıxır. Vaxtilə cəmi bircə romanı ilə dünyada böyük şöhrət qazanan bu qələm sahibi sonradan dəbdəbəli malikanəsinə çəkilərək yazmağı dayandırmışdı. İndi isə fərqli xarakterə malik bu iki yol yoldaşı köhnə avtomobillə Toskanadan Milana doğru irəliləyirlər.

Səfərin əsas məqsədi Milanda keçirilən yarmarkaya çatmaqdır. Ekssentrik yazıçı məhz bu tədbirdə uzun illər davam edən sükutunu pozmağı planlaşdırır. Eyni zamanda onu gənclik illərinin ən böyük sevgisi ilə vacib görüş gözləyir.

«Milana səyahət» adlı İtaliya istehsalı olan bu komediya filmi 2022-ci ildə rejissor Eucenio Kappuçço tərəfindən çəkilib. Baş rollarda Françesko Cerardi, Cuzeppe Maco, Toto Onnis və Leopoldo Mastelloni çıxış edir.