Dindar Marta

İki yoxsul ispaniyalı tələbə bəxtlərini sınamaq üçün Madridə üz tutur. Onlar zadəgan ailəsindən olan qızlarla evlənərək vəziyyətlərini düzəltmək niyyətindədirlər. Lakin qızlardan birinin, Martanın atası onu imkanlı və yaşlı bir zadəgana ərə vermək istəyir.

Qoca adaxlı ilə ailə qurmaq fikrində olmayan Marta çıxış yolunu hiylədə tapır. O, bakirəlik andı içmiş dindar bir qadın cildinə girərək atasını bu qərarına inandıra bilir. Yaşlı namizəd isə alicənablıq göstərir: gənc rəqibinin xeyrinə evlilikdən əl çəkir və hətta qıza cehiz də ayırır.

«Dindar Marta» adlı komediya filmi 1980-ci ildə SSRİ-də rejissor Yan Frid tərəfindən ekranlaşdırılıb. Əsas rolları Marqarita Terexova, Emmanuil Vitorqan, Nikolay Karaçentsov və Svetlana Toma ifa ediblər.