Long Shot

Şarlotta Fild ABŞ-ın dövlət katibidir və dünyanın ən nüfuzlu qadınlarından biri sayılır. O, ağlı və cazibəsi ilə seçilir, başladığı hər bir işi uğurla başa vurur. Qəribə xarakterli jurnalist Fred Flarski isə yenicə işdən çıxarılıb. Dostu onu uşaqlıqlarının sevimli qrupu «Boyz II Men»in çıxış etdiyi xeyriyyə tədbirinə aparır. Fred orada illər əvvəl aşiq olduğu Şarlotta ilə gözlənilmədən üz-üzə gəlir.

Yüksək vəzifəli siyasətçi köhnə tanışına qəfil iş təklifi edir. Şarlotta Fredi xarici səfəri üçün nitq yazarı kimi komandasına götürür. Bu beynəlxalq tur zamanı dövlət katibi yeni ekoloji proqramını təqdim etməyə hazırlaşır və təcrübəsiz qələm sahibinin ona dəstək verməsini istəyir.

«Long Shot» komediya filmini rejissor Conatan Levin ərsəyə gətirib. ABŞ, Kanada və Kolumbiya birgə istehsalı olan bu layihə 2019-cu ildə işıq üzü görüb. Ekran əsərində Pol van den Bum, Ravi Patel, Nataşa Qardculo və Bob Odenkörk kimi aktyorlar rol alıb.