İtləri sevmək mütləqdir

Ərindon təzəcə ayrılmış Sara Nolan tək qalsa da, ailəsi onun bu vəziyyəti ilə barışmaq fikrində deyil. Bacıları Kerol və Kristin ona yeni həyat yoldaşı axtarmağa başlayırlar. Qadınlara internet vasitəsilə özünə sevgili tapan və bu tanışlıq üsulunu tərifləyən dul ataları Bill də qoşulur.

Kerol təşəbbüsü tamamilə öz üzərinə götürür və Saranın adından tanışlıq saytında profil yaradaraq oraya itləri sevməyin vacib şərt olduğunu qeyd edir. Həmin elan sayəsində Saranın qarşısına Ceyk adlı yaraşıqlı bir kişi çıxır.

2005-ci ildə ABŞ-da istehsal olunmuş «Must Love Dogs» filminin rejissoru Qari Devid Qoldberqdir. Melodram və komediya janrında olan bu ekran əsərində Ted Detuayler, Elizabet Perkins, Culi Dretzin və Syuzi Nakamura kimi aktyorlar çəkiliblər.