Xəyalpərəstlər

Sercio və Sabrina bir-birini sevsələr də, rəsmi partnyorlarından maddi cəhətdən asılı olduqları üçün qovuşa bilmirlər. Hər şey Sercionun iş yoldaşlarının qurduğu zarafatla başlayır. Həmkarları onu lotereyada düz üç milyon avro udduğuna inandırırlar.

Böyük sərvət sahibi olduğunu zənn edən kişi köhnə həyatını geridə qoyub nəhayət Sabrina ilə birləşmək qərarına gəlir. Lakin uduşun sadəcə yalan olduğu tezliklə məlum olur. Həqiqəti yaxınlarından gizlətməyə çalışan cütlük bütün ailə ilə birlikdə qeyri-adi bir səfərə çıxmaq məcburiyyətində qalır.

İtaliya istehsalı olan «Ricchi di fantasia» komediyasının rejissoru Françesko Miççikedir. 2018-ci il ekran işinin baş rollarında Antonio Kataniya, Emanuel Deboun, Canfranko Qallo və Valeriya Fabritsi çəkiliblər.