Des pissenlits par la racine

Uzun illik həbsdən sonra azadlığa çıxan Co və Çirik ləqəbli Riton tam fərqli məqsədlər güdür. Co cıdırda bəxtini sınayıb əvvəlki dəbdəbəli günlərinə qayıtmaq arzusundadır, Çirik isə sevgilisini əlindən alan Jak adlı gənclə haqq-hesab çəkmək istəyir. Co yoldaşına üç nömrəyə pul qoymağı tapşırır. Çirik uduş biletini cibinə qoyan kimi təsadüfən Jakı görür və onu teatra qədər qovur, lakin düşmənini aradan qaldırmaq istəyərkən gözlənilmədən özü həyatını itirir.

Cinayəti gizlətməyə çalışan Jak cəsədi qohumu Jeromun kontrabas qutusunda gizlədir. Musiqi aləti ilə birlikdə əyləncə məclisinə düşən qəhrəmanlar burada Co və Roki ilə qarşılaşır, nəticədə qutudakı sirr açılır. Qorxuya düşən Jerom cəsədi və Jakı evinə aparmalı olur. Elə həmin ərəfədə Conun seçdiyi nömrələrin iki yüz milyon frank udduğu məlum olur, lakin həmin bilet hələ də Çirikin pencəyinin cibində qalır.

1964-cü ildə ekranlara çıxan «Des pissenlits par la racine» filmi Fransa və İtaliya birgə istehsalı olan kinokomediyadır. Ekran əsərinin quruluşçu rejissoru Jorj Lotnerdir. Baş rolları Darri Koul, Malka Ribovska, Şarl Miyo və Leon Zitron canlandırıb.