Cek və Cill: Çamadan sevgisi

İyirmi altı yaşlı Kloe Parisdə tibb jurnalında çalışır və tənha həyat sürür. Onun gündəlik həyatı zəhlətökən qonşusu, xırdaçı həmkarı və DVD diskləri icarəyə götürən insanlarla ünsiyyətdən ibarətdir. Eyni vaxtda təyyarəyə minməzdən əvvəl sevgilisindən ayrılan otuz yaşlı amerikalı Cek də təkbaşına Fransanın paytaxtına gəlir.

Kloe təsadüf nəticəsində Cekə atasından miras qalan və onun üçün olduqca dəyərli olan çamadanı tapır. İçindəki əşyaları nəzərdən keçirən gənc qadın əşyaların sahibini heç vaxt görməsə də, ona qiyabi şəkildə bağlanır. «Jusqu'à toi» filmində Kloe həmin adamın onun taleyi olduğuna inanaraq onu nəyin bahasına olursa-olsun tapmaq qərarına gəlir.

2008-ci ildə ekranlara çıxan bu romantik komediya Kanada və Fransanın ortaq istehsalıdır. Ekran əsərinin quruluşçu rejissoru Cennifer Devolverdir, əsas rolları isə Jeraldin Nakaş, Cessika Pare, Cinn Ferron və Tanya Blumşteyn canlandırıblar.