Mən və bacım

Karlo orkestrdə klassik musiqi ifaçısıdır və şıltaq violonçelçalan Serena ilə evlidir. Onun bacısı Silvia isə uzun müddətdir heç bir yerdə işləmir və günlərini avaralıqla keçirir. Analarının vəfatından sonra Silvianın qardaşının evinə gəlməsi ər-arvadın sakit həyat tərzini tamamilə alt-üst edir.

Yüngülxasiyyət qız tezliklə yeni bir avantüraya qoşulur və qardaşını da bu işə cəlb edir. Karlo hələ bilmir ki, bacısı Milandan olan altmış yaşlı nüfuzlu vəkil ilə sevgi münasibəti yaşayır. Qocaman sevgili Silviadan ötrü ailəsindən imtina etməyə hazırdır, lakin qızın özü bu hisslərə heç də cavab vermək istəmir.

«Mən və bacım» (Io e mia sorella) komediya filmini rejissor Karlo Verdone çəkib. İtaliya istehsalı olan ekran işi 1987-ci ildə nümayiş olunub. Əsas rollarda Marko Siçilyano, Mauritsio Fardo, Mariancela Cordano və Pupita Lea Skuderoni çıxış edirlər.