Borderline

Hadisələr 1990-cı illərdə cərəyan edir. Pop ulduzu Sofiyanın çılğın pərəstişkarı Pol yarım il əvvəl müğənninin Hollivud təpələrindəki malikanəsinə gizlicə daxil olmuşdu. Həmin vaxt mühafizəçini bıçaqlayan gənc saxlanılaraq psixiatriya xəstəxanasına yerləşdirilmişdi.

Altı aydan sonra Pol müalicə aldığı müəssisədən qaçmağı bacarır. Özü kimi ruhi problemləri olan başqa bir qadınla birləşən Pol yenidən pərəstiş etdiyi müğənninin evinə doğru yol alır. Bu dəfə o qəti şəkildə inanır ki, Sofiya ilə mütləq evlənəcəklər.

Komediya və triller janrında çəkilən «Borderline» filminin rejissoru Cimmi Uordendir. ABŞ istehsalı olan bu 2023-cü il ekran əsərində baş rolları Samara Uivinq, Rey Nikolson, Kris Şilds və Devid Cekoks canlandırıblar.