Yeni başlayanlar üçün fransız dili

Kollec tələbəsi Enrik fransızca cəmi bir neçə söz bilsə də, qəfil sevgi onun bütün planlarını dəyişir. Valeri adlı gənc fransız qızını görən kimi ona aşiq olur. Əsas çətinlik isə ondadır ki, qızın bundan xəbəri yoxdur, çünki Enrik onun yanında həyəcandan danışa bilmir.

Valerinin qəlbini qazanmaq istəyən gənc Parisə yollanmağa qərar verir. Rəqiblərini geridə qoymaq və sevgisinə çatmaq üçün o, yolboyu bir-birindən gülməli və yöndəmsiz vəziyyətlərlə üzləşməli olur.

«Yeni başlayanlar üçün fransız dili» filmi 2006-cı ildə Almaniya və Fransanın birgə istehsalı ilə lentə alınıb. Komediya və melodram janrındakı ekran əsərinin rejissoru Kristian Ditterdir, baş rollarda isə Patris Puason, Antuan Morin, İzabel Kote və Vanessa Krüger çəkilib.