Cəhənnəm əzabı

Keçmiş hərbçi Reks banka daxil olduqda binaya silahlı soyğunçular basqın edir. Vəziyyətdən çıxış yolu axtaran gənc silahı ələ keçirərək bütün cinayətkarları zərərsizləşdirsə də, atışma zamanı bank işçisi həyatını itirir. Buna görə səkkiz il həbs cəzası çəkən Reks azadlığa çıxanda cəmiyyətin diqqət mərkəzində qalır: bəziləri onu xilaskar sayır, digərləri isə təhlükəli psixopat hesab edir.

Amerikadakı səs-küydən uzaqlaşmaq istəyən baş qəhrəman sakit bir həyat ümidi ilə Finlandiyaya yola düşür. Lakin onun bu arzusu puç olur, çünki ölkəyə çatan kimi ağlını itirmiş yerli bir ailənin əlinə keçir və yeni tələyə düşür.

2020-ci il istehsalı olan «Bloody Hell» qorxu və komediya filminin rejissoru Alister Qrirsondur. Avstraliya istehsalı olan bu ekran əsərində baş rolları Skott Ceyms Corc, Brayan Probets, Metyu Sanderlənd və Helen Hovard canlandırıblar.