Die Goldfische

Uğurlu bankir Oliver ağır yol qəzasına düşdükdən sonra həyatı tamamilə dəyişir. Yeni vəziyyətə uyğunlaşmağa çalışan qəhrəman qanunsuz yolla qazanılmış böyük məbləğdə nağd pulu gizlicə İsveçrəyə aparmaq qərarına gəlir. Bu məqsədlə o, diqqət çəkməyəcək xüsusi bir plan hazırlamalı olur.

Sərhədi maneəsiz keçmək üçün ona şübhə doğurmayan yol yoldaşları lazımdır. Beləliklə, Oliverin köməkçiləri və canlı sipəri qismində fiziki məhdudiyyətli, lakin sonsuz yumor hissinə malik qeyri-adi bir qrup insan çıxış edir. Bu macəralı səfər bütün iştirakçılar üçün gözlənilməz hadisələrlə yadda qalır.

Almaniya istehsalı olan «Die Goldfische» komediya filmi 2019-cu ildə işıq üzü görüb. Ekran əsərinin rejissoru Alireza Qolafşandır. Əsas rolları Tom Şillinq, Yella Haaze, Mixael Krants və Thomas Gräßle canlandırıblar.