Qəbul olunduq!

Məktəbi bitirən Bartlbi Qeyns ardıcıl səkkiz kollecdən rədd cavabı alır. Valideynlərinin məyus olacağından çəkinən gənc çarə axtarışına çıxır, çünki onun bir neçə sinif yoldaşı da eyni problemlə üzləşib ali təhsil müəssisələrinə daxil ola bilməyib.

Valideynlərini sakitləşdirmək və bəyəndiyi Monika adlı qızın gözündə ucalmaq istəyən Bartlbi qeyri-adi bir plana əl atır. Vəziyyətdən çıxış yolu kimi o, dostları ilə birlikdə saxta sənədlərlə öz şəxsi universitetini təsis etmək qərarına gəlir.

2006-cı ildə ABŞ-da istehsal olunmuş «Accepted» komediya filminin rejissoru Stiv Pinkdir. Ekran əsərində York Frayer, İtan Hova, Robin Lord Teylor və Artur Leo kimi aktyorlar çəkiliblər.