Yeni evlənənlər

Çimərlikdə Amerika futbolu oynayan yerli radio aparıcısı Tom təsadüfən topu Sara adlı qıza vurur. Bu anlaşılmazlıq və üzrxahlıqlar onların ünsiyyətinə yol açır. Cəmi bir neçə həftə ərzində gənclər bir-birinə elə bağlanırlar ki, artıq ayrı yaşamağı təsəvvür belə edə bilmirlər.

Tezliklə ailə quran cütlük bal ayına yollanır və hər şeyin nağıl kimi keçəcəyini düşünür. Lakin səyahət zamanı qarşılaşdıqları gözlənilməz hadisələr və çətinliklər təzə evlənənlərin münasibətlərini ciddi sınaq qarşısında qoyur.

«Yeni evlənənlər» (Just Married) filmi rejissor Şon Levi tərəfindən 2003-cü ildə çəkilib. ABŞ və Almaniya istehsalı olan bu romantik komediyada əsas rolları Eşton Kutçer, Brittani Mörfi, Con Erik Braun və T.C. Cefferson canlandırıb.