Marcello mio

Yorucu çəkilişlər və rejissorların bitib-tükənməyən tələbləri aktrisa Kyara Mastroyannini çətin vəziyyətə salır. Hər kəs ondan məşhur valideynləri Katrin Denöv və Marçello Mastroyanninin səviyyəsində oyun gözləyir. Bu təzyiqlərdən təngə gələn qadın gözlənilməz bir addım ataraq atasının obrazına bürünmək və onun kimi yaşamaq qərarı verir.

Bu qəfil dəyişiklik aktrisanın ailəsi və yaxın çevrəsində qarışıq hisslər doğurur. Ətrafdakıların reaksiyası təəccübdən qəzəbə və heyranlığa qədər dəyişir. Zaman keçdikcə kino ilə gerçəklik arasındakı sərhədlər itir və insanlar həqiqətən də böyük sənətkarın yenidən dirildiyinə inanmağa başlayırlar.

2024-cü ildə ekranlara çıxan «Marcello mio» komediya filminin rejissoru Kristof Onoredir. Fransa və İtaliyanın birgə istehsalı olan ekran əsərində Robi Arkett, Harilay Rabencamina, Elen Cini və Corco Tano kimi aktyorlar çəkiliblər.