Yeni il əmisi

On yaşlı Trevorun tətili gözlənilməz hadisələrlə başlayır. Anasının təcili iş səfərinə getməsi və atasının oğlunu yanına almaqdan imtina etməsi səbəbindən uşaq tək qalır. Yaranmış vəziyyətdə yeganə çarə Trevorun bütün bayram günlərini Nik əmisinin evində keçirməsi olur.

Bir-birini yaxından tanımayan bu ikili uzun qış tətili boyunca eyni dam altında yaşamağa məcburdur. Fərqli baxışlara və xarakterlərə malik olan əmi ilə qardaşı oğlu bayram günlərində ümumi dil tapmağa və dostlaşmağa çalışırlar.

ABŞ istehsalı olan «Yeni il əmisi» (Saint Nick) komediya filmi rejissor Castin Nodel tərəfindən lentə alınıb. 2024-cü ildə təqdim edilən ekran əsərinin əsas rollarında Aleks Lizzul, Sofiya Foli, Zombi Co və Brent Tey Uoker çəkiliblər.