Qorxu gecəsi

Məktəbli Çarli Brüster həmyaşıdları arasında böyük nüfuz qazanıb. O, məktəbin ən cazibədar qızı ilə görüşür və bu uğurlardan sonra keçmiş ən yaxın dostu Ed ilə münasibətlərini kəsməyə başlayır. Lakin qonşuluğa Cerri adlı yeni bir sakinin köçməsi ilə gəncin həyatında problemlər yaranır. Çarlinin anası da daxil olmaqla hamı onu yaxşı insan sansa da, qonşunun davranışlarında bir qəribəlik var.

Onu diqqətlə izləyən Çarli dəhşətli bir həqiqəti aşkar edir: mehriban qonşu maskası altında ətrafı öz ov məkanına çevirmiş qaniçən vampir gizlənir. Heç kəsi öz sözlərinə inandıra bilməyən məktəbli tək qalır. Canavardan xilas olmaq üçün çarə axtaran Çarli kömək istəmək məqsədilə Las-Veqasda məşhur olan illüziyaçı Piter Vinsentə müraciət etmək qərarına gəlir.

«Qorxu gecəsi» (Fright Night) filmi rejissor Kreyq Gillespi tərəfindən çəkilib. Komediya, triller və qorxu janrlarını birləşdirən ekran əsərində İmodjen Puts, Sandra Verqara, Kristofer Mintz-Plasse və Layzl Karstens kimi aktyorlar rol alıb. ABŞ və Hindistan istehsalı olan bu film 2011-ci ildə işıq üzü görüb.