Milad ulduzu

Nyu-Yorkdakı işini itirən Sloun toparlanmaq üçün Meyn ştatındakı doğma şəhərinə qayıdır. Burada o, yalnız qəribə xasiyyətli nənəsi və peyntbol həvəskarı olan rəfiqəsi Key Key ilə vaxt keçirir. Bayram ərəfəsində pula ehtiyacı olan qız, vaxtilə xoşlandığı Endi ilə birgə yol kənarında Milad yolkaları satmağa başlayır.

Yolda sürüşərək yük maşınının altına düşmə təhlükəsi ilə üzləşən Slounun gözləri önündən qəribə bir uşaqlıq xatirəsi keçir. O, Şaxta baba geyimindəki babasının şəhərin mərkəzində pul dolu kisəni basdırdığını xatırlayır. Beləliklə, o, naməlum mənbədən gələn bu xəzinəni tapmaq və babasının sirrini açmaq üçün ipuclarının ardınca düşür.

«Milad ulduzu» (Holly Star) komediya filmi rejissor Maykl A. Niklz tərəfindən çəkilib. 2018-ci il ABŞ istehsalı olan layihədə əsas rolları Cerri Layden, Ketlin Karlson, Lonni Farmer və Vilyam MakDonaf III canlandırıblar.