Mənim qızımı görən olubmu?

1920-ci illərin sonunda qoca milyonçu Samuel Fulton heç bir varisi olmadığı üçün sərvətini vaxtilə sevdiyi qadının ailəsinə vəsiyyət etmək istəyir. Həmin qadının vaxtilə verdiyi rədd cavabı Samueli varlanmağa və böyük uğur qazanmağa sövq etmişdi. Namizədləri yaxından tanımaq qərarına gələn Fulton başqa adla Bleyzdell ailəsinin yaşadığı şəhərə yollanır. O, bu ailənin evində kirayə qalmağa başlayır və ailə başçısının kafesində ofisiant kimi işə düzəlir.

Ailənin sadə, lakin dinc həyat sürdüyünü görən Fulton vəziyyəti sınaqdan keçirməyi qərara alır. O, notariusu vasitəsilə ailəyə gizlicə yüz min dollar göndərir. Gözlənilməz var-dövlət ailənin nizamını alt-üst edir. Qızın anası böyük iddialara düşərək Millisentin kafedə çalışan sevgilisi Den ilə nişanını pozur və qızının sevimli itini bahalı pudellərə dəyişir.

1952-ci il istehsalı olan «Mənim qızımı görən olubmu?» adlı musiqili komediyanın rejissoru Duqlas Sirkdir. ABŞ istehsalı olan bu filmdə əsas rolları Çarlz Kobern, Payper Lori, Rok Hadson və Cici Perro canlandırıblar.