Havada məhəbbət

Otuz yaşlı Yann uşaqlıqda aldığı zədəyə görə təyyarələrdən dəhşətli dərəcədə qorxur. Bu vərdiş onun həyatına ciddi mane olur, çünki o, pilotlara ekstremal vəziyyətlərdə hərəkət etməyi öyrədən xüsusi trenajorda çalışır. Həmçinin vaxtilə məhz bu qorxu ucbatından sevdiyi qadının ardınca dünyanın o biri başına gedə bilməyib.

İndi o, dostu ilə eyni mənzili bölüşür, komikslər oxuyur, vaxtını marixuana çəkməklə keçirir və məqsədsiz bir ömür sürür. Alisa ilə təsadüfi görüş onu özünə çəki-düzən verməyə və nəhayət yetkinləşməyə vadar edir. Lakin həmişə çətinliklərdən qaçmağa alışmış bir insanın həyatını dəyişməsi heç də asan olmur.

«Havada məhəbbət» filmi 2005-ci ildə Fransada istehsal olunub. Bu romantik komediyanın rejissoru Remi Bezansondur, baş rolları isə Vensan Elbaz, Marion Kotiyar, Jil Lelluş və Elza Kikoin canlandırıb.