Canım, inanmazsan!

İlk övladlarının yolunu gözləyən gənc cütlüyün evində gərginlik səngimək bilmir. Xanımının bitib-tükənməyən narazılıqlarından təngə gələn Dastan heç olmasa bir günlüyə evdən uzaqlaşmağa çalışır. Çıxış yolunu dostlarının yanında tapan gənc ailə başçısı yerli sahə müvəkkili və işləri tərs gedən iş adamı ilə görüşmək qərarına gəlir.

Üç dost dincəlmək üçün birlikdə balıq ovuna yollanır. Lakin təmiz havada sakit gün keçirmək ümidləri puç olur. Şəhərdən kənardakı bu səfər gözlənilməz və ağlasığmaz hadisələrin zəncirvari şəkildə bir-birini əvəzləməsi ilə nəticələnir.

«Zhanym, ty ne poverish» komediya filmi 2020-ci ildə Qazaxıstanda çəkilib. Ekran işinin quruluşçu rejissoru Yernar Nurqaliyevdir. Baş rolları Daniyar Alşınov, Asel Kaliyeva, Rustem Janıamanov və Yerlan Primbetov canlandırıblar.