Bir hektar səma

Severino adlı alverçi hər il Po çayının mənsəbində yerləşən kənd yarmarkasına gəlir. O, burada təsadüfi qazanclarla birtəhər dolanan üç yoxsul qocaya rast gəlir. Tacir onları aldatmaq məqsədilə qeyri-adi bir təklif irəli sürür: guya onlar səmadan torpaq sahəsi alaraq oradan keçən təyyarələrdən icarə haqqı toplaya bilərlər.

Lakin bu gəlir yalnız o biri dünyada mümkün olacaq. Sadəlövh qocalar son qəpiklərini fırıldaqçıya verirlər. Yatırımlarının bəhrəsini tez bir zamanda görmək istəyən qocalar vaxt itirmədən həyatla vidalaşmaq qərarına gəlirlər.

«Un ettaro di cielo» filminin rejissoru Aqlauko Kazadiodur. 1958-ci ildə İtaliyada istehsal olunmuş bu komediyada əsas rolları Marçello Mastroyanni, Rozanna Skyaffino, Silvio Baqolini və Salvatore Kafyero canlandırıb.