Norveq

Moskvalı Kirillov gözlənilmədən «Nastenka» təmizlik şirkətinə rəhbərlik etməyə məcbur olur. Bu agentliyin bütün işçi heyəti Asiyadan gəlmiş qadınlardan ibarətdir. Üstəlik, qəhrəmanın yaxın vaxtlarda Norveçə köçmək kimi tamam başqa planları var.

Vəziyyət əcnəbi nişanlının gəlişi ilə daha da qəlizləşir. Qonaq qadın tolerantlıq və insan azadlığı məsələlərinə çox sərt yanaşan tipik bir avropalıdır. Şərqli qadınların əməyinin istismar edildiyini düşünməsindən qorxan Kirillov, bu qəribə kollektivi sevgilisindən gizlətmək üçün min cür oyundan çıxmalı olur.

2015-ci il istehsalı olan «Norveq» komediya filminin quruluşçu rejissoru Alyona Zvantsovaya aiddir. Baş rolları Yevgeni Mironov, Severiya Yanuşauskayte, Dmitri Maryanov və Kseniya Rappoport canlandırıb.