Musiqi avtomatı sevgidən qışqırır

Fırıldaqçılığa görə cəzasını çəkib azadlığa çıxan Mario dürüst həyata başlamağa tələsmir. O, yenidən köhnə vərdişlərinə qayıdaraq hiylə yolu ilə pul qazanmağa çalışır. Musiqi şirkətinin sahibi Mariza isə bütün bunlara baxmayaraq, onunla ailə qurmaq arzusundadır.

Bir-birinin ardınca gələn yeni maxinasiyalar Marionu çıxılmaz vəziyyətə salır. «Juke box - Urli d'amore» adlı musiqili komediyanın qəhrəmanı yenidən dəmir barmaqlıqlar arxasına düşmək və ya nikaha daxil olmaq seçimi ilə üzləşir. Həbsxanadan qurtulmaq üçün o, Mariza ilə evlənəcəyinə söz verməyə məcbur olur.

1959-cu il istehsalı olan bu İtaliya filminin rejissoru Mauro Morassidir. Əsas rolları Mario Karotenuto, Mariza Merlini, Karin Baal və Terens Hill canlandırıblar.