Technoboys

Doxsanıncı illərdə böyük şöhrət qazanmış Meksika musiqi qrupunun üzvləri iyirmi ildən sonra yenidən bir araya gəlmək qərarına gəlirlər. Bu təşəbbüsü böhran dövrünü yaşayan qrup rəhbəri Alan irəli sürür. Onun əsas məqsədlərindən biri keçmiş sevgilisi, müğənni Melenanın qəlbini yenidən fəth etmək və pop səhnəsindəki mövqeyini bərpa etməkdir.

Lakin müasir şou-biznes aləmi ötən illər ərzində xeyli dəyişib. Yaşlanmış musiqiçilər yeni qaydalar, ləğv mədəniyyəti və onlara meydan oxuyan köhnə səhnə rəqibləri ilə üz-üzə qalırlar. Şöhrəti geri qaytarmaq düşündüklərindən qat-qat çətin sınağa çevrilir.

«Technoboys» musiqili komediya filmi 2024-cü ildə Meksikada çəkilib. Layihənin rejissorluğunu Xerardo Qatika və Luis Xerardo Mendes həyata keçirib. Baş rolları Luis Xerardo Mendes, Karla Sousa, Qabriel Nunsio və Fernando Bonilya canlandırırlar.