3. Gün

İzmirdə qastronomiya fakültəsini bitirən Elya peşəkar karyera qurmaq arzusundadır. Anası isə qızının ailə həyatı qurmasında israr edir. Bu ərəfədə internetdə Semih adlı bir gənclə tanış olan Elya qısa zamanda ona aşiq olur.

İş dəvəti alan gənc qız sevgilisinə sürpriz etmək məqsədilə üç günlüyünə İstanbula yollanır. Lakin dəbdəbəli malikanəyə çatanda məlum olur ki, internetdəki həmsöhbəti başqasının fotolarından istifadə edib və qarşısındakı şəxs tamamilə başqa biridir.

2024-cü ildə çəkilmiş «3. Gün» filminin rejissoru Mustafa Kotandır. Türkiyə istehsalı olan bu romantik komediyada baş rolları Yağmur Tanrısevsin, Berk Atan, Derya Alabora və Nurseli İdiz canlandırır.