Toy şahidi

Olli yazıçılıq sahəsində uğur qazana bilməyən və adi işlərdə çalışan bir gəncdir. Kollec illərindən dostu Ceyms ona zəng edərək yaxınlaşan toy mərasimində şahid olmağı xahiş edir və Ollinin həyatı tamamilə fərqli istiqamət alır.

Dostunun gələcək həyat yoldaşı Sara ilə tanışlıq Ollinin ona ilk baxışdan vurulması ilə nəticələnir. Öz hisslərini boğmağa çalışan gənc zaman keçdikcə anlayır ki, Ceyms bu qıza layiq olan doğru tərəf-müqabil deyil. Nəticədə bəylə şahidin yerini dəyişmək fikri gündəmə gəlir.

«Toy şahidi» (Unhitched) filmi 2005-ci ildə nümayiş olunub. ABŞ, Böyük Britaniya, Almaniya və Macarıstan istehsalı olan bu komediya və melodramın rejissoru Stefan Şvarts, baş rol ifaçıları isə Stüart Taunsend, Emi Smart, Set Qrin və Stiv Con Şeperddir.