Sizdən sonra!

Antuan Parisin tanınmış restoranlarından birində baş ofisiant vəzifəsində çalışır. Gün ərzində qonaqların xidmətində qaçhaqaç içində olan bu adam öz şəxsi həyatına heç cür vaxt ayıra bilmir.

Növbəti iş gününün sonunda evə qayıdarkən o, intihar etmək istəyən Lui adlı bir nəfəri ölümdən xilas edir. Sevdiyi qadın Blanşdan ayrıldığı üçün sarsıntı keçirən bu qəribə gəncə kömək etmək qərarına gələn Antuan onu evinə gətirir. "After You" filmində baş qəhrəman Luini yeni işə düzəltməyə və onu sevgilisi ilə yenidən barışdırmağa çalışır.

2003-cü ildə Fransada lentə alınmış bu komediya və melodramın rejissoru Pyer Salvadoridir. Əsas obrazları Daniel Otoy, Xose Qarsiya, Sandrin Kiberlen və Merilin Kanto canlandırıblar.