Mükəmməl Milad resepti

Cey-Cey restoran tənqidçisi kimi böyük uğurlar qazanır və bu nailiyyətlərdə anasının rolu az deyil. Lakin anası xəbərdarlıq etmədən qızının evinə gəlməyə və onun gündəlik həyatını alt-üst etməyə başlayır. Davamlı diqqət yayındıran bu ziyarətlər qızın növbəti icmalı rahat hazırlamasına mane olur.

İşinə fokuslanmaq istəyən gənc qadın çıxış yolunu cazibədar Aleksə müraciət etməkdə tapır. O, Aleksdən anasını bir neçə həftəlik evdən uzaqlaşdırmağı və onun başını qatmağı xahiş edir. Plan baş tutur, lakin hadisələrin gedişində Cey-Cey bu yaraşıqlı gəncə qarşı hisslər bəslədiyini fərq edir.

Kanada istehsalı olan «Recipe for a Perfect Christmas» komediya filmini rejissor Şeldon Larri lentə alıb və ekran işi 2005-ci ildə işıq üzü görüb. Baş rolları Kristin Baranski, Karli Poup, Bobbi Kannavale və Monika Parker canlandırıb.