Nyu-York gözəli

Hadisələr iyirminci əsrin əvvəllərində Nyu-Yorkda cərəyan edir. Əyləncəli həyat sürən və gününü kef məclislərində keçirən Çarli Hill xeyriyyə cəmiyyətinin rəhbəri olan Angela Bonfils ilə qarşılaşır. Gənc qadın insanları təvazökarlığa və düzgün həyat tərzi sürməyə səsləyir.

Angelanı görən kimi vurulan Çarli bu sevginin təsiri ilə havada uçmaq və mürəkkəb fəndlər göstərmək bacarığı qazanır. O, sevdiyi qadına evlilik təklifi edir; Angela da ona qarşı biganə deyil, lakin əyyaş həyat tərzini qəbul etmir. Qadın sevgilisinin qarşısında şərt qoyur: o, cəmiyyətə fayda verən daimi bir iş tapmalıdır. Şərtlə razılaşan gənc yeni iş axtarışında silsilə gülməli və qəribə vəziyyətlərlə üzləşir.

1952-ci ildə ABŞ-da istehsal olunmuş «The Belle of New York» musiqili komediyasının rejissoru Çarlz Uoltersdir. Baş rolları Fred Aster, Vera-Ellen, Marcori Meyn və Kinen Uinn canlandırıblar.