Təbriklər, keçmiş sevgilim!

Risa və dostlarının idarə etdiyi toy agentliyi gözlənilməz xərclərə görə iflas həddinə çatır. Biznesi xilas etmək istəyən komanda möhtəşəm bir hind toyunun təşkilatçılığını öz üzərinə götürür. Qısa müddət sonra aydın olur ki, bəy kürsüsündə əyləşəcək şəxs Risanın keçmiş sevgilisi Arundur və qızın ona qarşı hələ də hissləri qalmaqdadır.

Mərasimin hazırlıq prosesi daha da qəlizləşir, çünki tədbirin çəkilişi üçün Risa digər keçmiş sevgilisi Timi fotoqraf kimi işə cəlb etməli olur. Qəhrəman iki keçmiş münasibətinin ortasında qalaraq çətin bir işi vaxtında və uğurla tamamlamağa çalışır.

Tayland istehsalı olan «Congrats My Ex!» filmini rejissorlar Nice Weerawit Chaiwattana və Tui Prueksa Amaruji ərsəyə gətirib. 2023-cü ilin romantik komediyasında əsas rolları Bella Ranee Campen və Bright Vachirawit Chivaaree canlandırır.