Mala wielka milosc

Los-Ancelesdə uğurlu hüquqşünas kimi fəaliyyət göstərən İan gözlənilməz bir xəbər alır. Yalnız bir gecə birlikdə olduğu qadın ondan hamilə qaldığını və uşağı dünyaya gətirmək istədiyini bildirərək onu yanına çağırır. Məsələ burasındadır ki, həmin qadın Polşada yaşayır.

İan ingiliscə danışmayan insanların əhatəsində, polyak dilini bilmədiyi uzaq bir ölkəyə yollanır. Qəhrəmanın sənədləri və bütün əşyaları taksi sürücüsü tərəfindən aparıldıqdan sonra vəziyyət daha da qarışır. O, sevgilisinin ailəsi ilə tanış olur, nişanlısı ilə mübahisə edir, bu qarışıqlıqda isə köməyinə çılğın dostu Stiv tələsir.

ABŞ və Polşanın ortaq istehsalı olan «Mala wielka milosc» filmi 2008-ci ildə ekranlara çıxıb. Rejissor Lukan Karvovskinin lentə aldığı melodram janrlı bu filmdə baş rolları Coşua Leonard, Aqneşka Qroxovska, Nikolay Qrabovski və Aqneşka Pilaşevska canlandırıb.