Unfaithfully Yours

Məşhur simfonik orkestr dirijoru Klod İstman italiyalı kino ulduzu Daniella ilə ailə qurur. Yaşca xeyli cavan və boyca hündür olan bu xanım istedadlı ərini səmimi qəlbdən sevir. Lakin həddindən artıq qısqanc olan Klod həyat yoldaşının ona xəyanət etdiyini düşünür və şübhələr orkestrin yaraşıqlı musiqiçisi Maksimilian Steynin üzərinə yönəlir.

Qısqanclıq hissləri dirijora dinclik vermir. Beləliklə, o, xəyallarında arvadını aradan götürmək üçün xüsusi plan cızmağa başlayır. Həmin plana əsasən, bütün şübhələr birbaşa onun xəyali rəqibinin üzərinə düşməlidir.

1984-cü ildə ABŞ-da lentə alınan «Unfaithfully Yours» musiqili komediya filminin rejissoru Hovard Ziffdir. Baş rolları Dadli Mur, Nastasya Kinski, Armand Assante və Albert Bruks canlandırıblar.