F3: Əyləncə və məyusluq

Gecə korluğundan əziyyət çəkən Venki bu çatışmazlığını hamıdan gizlədir, kimsəsiz Varun isə kəkələmə problemi ilə mübarizə aparır. Hər iki qəhrəmanın ən böyük arzusu tez bir zamanda külli miqdarda pul qazanmaq və yoxsulluqdan qurtulmaqdır. Asan qazanc dalınca qaçan yoldaşlar Harika və Hani adlı bacılarla rastlaşırlar, lakin qadınlar onları aldadaraq əllərindəki bütün pulları mənimsəyirlər.

Bütün vəsaitlərini itirən və böyük borclarla üz-üzə qalan kişilər varlı maqnat Anand Prasadın itmiş oğlunu axtardığını öyrənirlər. Var-dövlət içində yaşayan bu adamın sərvətinə sahib çıxmaq üçün Venki və Varun eyni vaxtda hiyləyə əl atırlar. Hər iki qəhrəman borclardan yaxa qurtarmaq naminə özünü həmin itkin düşmüş varis kimi təqdim etməyə çalışır.

2022-ci il istehsalı olan «F3: Fun and Frustration» hind komediyasının rejissoru Anil Ravipudidir. Əsas obrazları ekranda Venkateş, Varun Tecl, Ovais Sinqstar və Tamanna Bhatiya canlandırıblar.