Sirota kazanskaya

Kənd məktəbinin gənc müəllimi Nastya atasız böyüyüb və onun haqqında bircə onu bilir ki, adı Pavel olub. Anasının vəfatından sonra o, qəzetdə anasının vaxtilə göndərmədiyi köhnə məktubunu dərc etdirmək qərarına gəlir. Bu gözlənilməz addım elə Yeni il ərəfəsində öz nəticəsini verir.

Bayram axşamı qapıda birdən-birə bir-birindən fərqli üç Pavel peyda olur və hər biri Nastyanın atası olduğuna inanır. Qonaqların eyni vaxtda gəlişi əsl çaşqınlıq yaradır; ən çətin vəziyyətə isə qızın nişanlısı Kolya düşür, çünki o, yetim bir qızla evlənməyə hazırlaşarkən qarşısında birdən üç qaynata görür.

«Sirota kazanskaya» filmi 1997-ci ildə Rusiyada rejissor Vladimir Maşkov tərəfindən çəkilib. Komediya və melodram janrındakı ekran əsərində baş rolları Yelena Şevçenko, Nikolay Fomenko, Oleq Tabakov və Valentin Qaft ifa ediblər.