Setannya Cuan

Kənd ağsaqqalı vəzifəsi uğrunda Adanq və Asep arasında sərt mübarizə gedir. Seçkilərdə Adanq qalib gəlsə də, bu uğur ona baha başa gəlir: o, bütün var-dövlətini itirir, xanımı isə onu tərk edir. Məğlub olmuş Asep isə əksinə, gözlənilmədən varlanır və hətta keçmiş rəqibinin borclarını ödəməyə hazır olduğunu bildirir.

Çox keçmir ki, Adanq bu qəfil sərvətin sirrini öyrənir. Məlum olur ki, Asep yerli cadugərin köməyi və qaranlıq qüvvələrin dəstəyi ilə lotereyada böyük pullar udur. İtirdiyi nüfuzu və sərvəti geri qaytarmaq istəyən Adanq da qara magiyaya və təhlükəli rituallara əl atmaq qərarına gəlir.

İndoneziya istehsalı olan Setannya Cuan qorxu və komediya filminin rejissorları Sahrul Gibran və Fajar Umbaradır. 2026-cı ildə çəkilmiş ekran əsərinin baş rollarında Aming Sugandhi, Dimaz Andrean, Ben Kasyafani və Candil çəkiliblər.