Banzay

Sığorta agenti Sercio Kolombo yenicə arvadından boşanıb və buna görə də fikrini bir yerə toplamaqda çətinlik çəkir. Bir qədər başını qatmaq istəyən Kolombo özünə yeni sevgili tapır və onunla birlikdə tətilə yollanmağı düşünür. Lakin şirkət rəhbərliyi qəfil qərarla onu mühüm bir müqavilə imzalamaq üçün Kanadaya ezamiyyətə göndərir.

Fikirli halda hava limanına gələn qəhrəman böyük bir səhvə yol verir. Kanada əvəzinə tam əks istiqamətə — Banqkok şəhərinə uçan təyyarəyə əyləşir və hadisələr tamamilə gözlənilməz axara düşür.

1997-ci il istehsalı olan «Banzai» komediya filminin rejissoru Karlo Vantsinadır. Ekran əsərində baş rolu Paolo Villaco canlandırıb, digər obrazlarda isə Françesko De Roza, Françeska Romana Kolutsi və Antonio Ballerio çəkiliblər.