Komediya cütlüyü

Dip İT sahəsini tərk edərək sevgilisi Zoya ilə birlikdə stend-ap səhnəsinə addım atır. Onlar şəxsi münasibətlərindəki detalları yumora çevirərək duet kimi çıxış edirlər. Bununla belə, Dip həm komediya ilə məşğul olduğunu, həm də Zoya ilə eyni evdə yaşadığını mühafizəkar ailəsindən gizlədir.

Səhnə arxasında isə cütlük cəmiyyətin qınağı və nikahsız yaşadıqları üçün kirayə mənzil tapmağın çətinliyi ilə üzləşir. İstədikləri evi tutmaq üçün onlar yalana əl atırlar, lakin ortaq çıxışlarının qəflətən internetdə yayılması vəziyyəti daha da gərginləşdirir.

«Comedy Couple» adlı Hindistan istehsalı olan bu komediya filmi 2020-ci ildə işıq üzü görüb. Ekran əsərinin rejissoru Naçiket Samantdır. Baş rolları Saqib Səlim, Şveta Prasad, Puca Bedi və Raceş Taylanq canlandırıblar.